Livet er fantastisk...

Nemo!

2010-03-27T13:12:00.001-07:00

Nemo okkar er 1 árs í dag :)

-

Hann klaktist út akkurat á þessum degi fyrir ári síðan. Hann hefur verið duglegur að læra síðasta árið því hann segir "Hæ Nemo, dúlla, kjúklingur, ertu góður strákur, ertu svona sætur, komdu og halló" auk margra annarra skemmtilegra hljóða :) Hann er ótrúlega duglegur að koma og kyssa mann og fer með manni í sturtu þar sem maður þarf að þurrka hann með hárþurrku eftirá ! Honum finnst líka alveg ótrúlega gaman að henda hlutum fram af borðum og hlaupa með manni á gólfinu :)

Árið 2010 !!

2010-03-23T15:40:00.000-07:00

Húlla húbba!

Það er orðið soldið langt síðan að ég skrifaði eitthvað hérna og það er spurning hvort ég geti nú farið að bæta eitthvað úr því :)

Margt er búið að gerast síðasta árið og þar sem flestir vita af flestu þá fer ég ekki að telja það allt upp hérna, ætla bara að tala um núið og framtíðina!

Ég bý semsagt enn í Danmörku með litla strumpinn hann Nemo minn en hann Örn er fluttur tímabundið til Noregs. Hann fékk vinnu í Stavanger og er að leigja herbergi (næstum 110 fm samt) ekki svo langt frá miðbænum. Ég fór einmitt í heimsókn um síðustu helgi og það var fyrsta skiptið mitt í Noregi. Það eru komnar myndir inná picasaweb fyrir áhugasama :) Það var rosalega gott að hitta karlinn sinn aftur eftir næstum 3 vikur sem grasekkja!

Ég er svo byrjuð að vinna líka í Hjemmeplejen í Bagsværd þar sem að ég hjóla á milli húsa og hjálpa eldra fólki með ýmis verk sem þau geta ekki gert sjálf. Það er mun rólegra og þægilegra að vinna í Danmörku enn sem komið er og ég held að ég fái ágætis laun fyrir :) Er reyndar bara í afleysingum en búin að vinna ágætlega mikið síðan að ég byrjaði þrátt fyrir það.

Það er svo loksins byrjað að hlýna aðeins hérna eftir mikinn vetur! Búið að vera hrollkalt og snjór meira og minna síðan um jólin og það verður gott að fá þessar 8-10°C sem verða næstu daga. Við Örn erum búin að panta okkur nokkur flug fram í tímann og hann kemur næst hingað um páskana. Ég fer síðan og verð í viku hjá honum um miðjan apríl og svo fæ ég Lovísu mína í heimsókn til mín í 6 daga um mánaðarmótin apríl-maí! :D Ohh hvað það verður gaman að fá þig í heimsókn elskan mín :*

Svo er bara aðal málið næstu mánuðina að finna út hvar við verðum í haust! Ég er búin að sækja um háskólanám í Noregi og á Íslandi og ég held að það séu meiri líkur á að ég fari bara til Íslands í haust í sálfræðina þar. Ekki er enn vitað hvort Örn komi "med det samme" því hann fær kannski vinnu áfram í Noregi. Þá förum við Nemo bara saman með alla búslóðina með okkur :) En þetta kemur vonandi allt í ljós í maí-júní. Þangað til verður maður bara að vinna og njóta lífsins í Danmörku og Noregi :)

Sådan var det!

Hej hej :)

Til minningar - Helga Jóhannesdóttir

2009-02-03T17:33:00.000-08:00

Árið byrjaði svo ekki alveg jafn ánægjulega og ég vonaðist til. Ég var nýkomin heim og um kvöldið frétti ég að amma mín hefði dottið og verið lögð inná spítala. Hún ætti líklegast bara nokkra daga eftir. Ég frétti það bara einum degi of seint :( Það góða var að heyra að hún hefði alla fjölskylduna hjá sér og vonandi leið henni bara sem best síðustu dagana. Hún lést síðan föstudaginn 23 janúar. Ég pantaði mér flug, kom til landsins á miðvikudaginn síðasta eftir aðeins viku í danmörku og fer aftur núna á föstudaginn. Er búin að setja inn myndir alveg frá jólum og yfir þessa seinni íslandsferð. Jarðarförin fór fram á föstudaginn síðasta og var athöfnin alveg sú fallegasta. Veðrið var glæsilegt og alveg eins og amma hefði viljað hafa það.

Elsku amma. Þegar ég hugsa um þig þá fyllist ég af gleði. Þú varst sú allra yndislegasta kona sem til er og mín uppáhalds fyrirmynd. Ég minnist þess ekki að hafa nokkurn tímann séð þig í vondu skapi og hvað þá hækka röddina gagnart öðrum. Þú komst fram við alla af skærustu góðmennsku og komst öllum í gott skap. Hver man ekki eftir því að koma í heimsókn á Bugðulækinn til þín og afa og fá skúffukökurnar, kleinurnar, kökurnar þínar og alltaf bauðstu uppá kaffi, sama hversu lítill maður var. Ég hlakkaði alltaf jafn mikið til þess að koma í heimsókn til að hjálpa þér með krossgáturnar og læra að spila á spil, og þá sérstaklega Marías þar sem þú leyfðir manni alltaf að vinna án þess að segjast vera að því. Ég man líka eftir því að vera ofaní krukkunni í glugganum til að fá mér paló brjóstsykurinn góða.

Það er hárrétt sem presturinn sagði, að þú varst betri í að gefa frekar en að þiggja. Það er mikið sem ég gæti sagt um þig og það var erfitt að þurfa að kveðja þig elsku amma. Ég er heppin að eiga allar þessar æðislegu minningar um þig og það voru forréttindi að fá að þekkja þig. Þú munt alltaf vera í hjarta mínu!

Hvíl í friði elsku amma :*

Haustönnin 2008 og nýtt ár 2009!

2008-12-11T10:00:00.000-08:00

Á meðan færslu stendur er í spilun:

Hey you - Pink Floyd

Three Wishes - The Pierces

Who is he - Burhan G

Gleðilegt nýtt ár 2009! Vonandi færir það nýja með sér betri tíma eftir slæman endi á því gamla!

Já síðasta önn er búin að vera heldur betur upptekin!

Ég var að læra alla daga eins og galin manneskja og kláraði síðan þessi 7 próf mín! Náði þeim síðan öllum með 7,8 í meðaleinkunn, sem er bara ágætt! Allavega get ég sagt að það kom mér á óvart að fá 8 í stærðfræði 303. Vona bara að sá næsti eigi eftir að ganga jafn vel. Næsta önn verður líka alveg crazy því að ég fer væntanlega í 7-8 áfanga. Allavega ef ég verð tekin inn í fjarnámið aftur, það eru alveg rosalega margir að fara í skóla aftur útaf kreppunni. Þannig að ég reyni bara að koma með pistla inná milli.

Allt gengur bara rosalega vel hjá Erni. Hann er núna í janúarkúrs og fer síðan bara að byrja á mastersverkefninu sínu í febrúar. Hann og Einir eru saman í því og ef allt gengur vel þá munu þeir klára og útskrifast sem verkfræðingar í ágúst/september :)

Það verður alveg nóg af útskriftum og veislum þetta árið semsagt. Örn útskrifast, ég vonandi líka (í annað skiptið), Lovísa og Svana klára stúdentinn og Þórir fermist!

Jólin og áramótin hafa síðan verið frábær bara! Við Örn höfum reyndar verið soldið á þeytingi fram og til baka en allt hefur gengið vel. Örn fór síðan til Danmerkur aftur núna 6 jan og ég fer þann 20 jan. Ágætt að fá gott frí áður en næsta turn byrjar. Næ vonandi að læra aðeins hraðar þá önnina. En allavega, þá vorum við Örn heima hjá mér fyrir austan um jólin og svo heima hjá honum um áramótin. Við fórum líka í nokkur jólaboð og allt bara rosalega gaman.

(ein aum mynd af okkur svona þangað til ég hleð inn af kortinu mínu)

Síðan var það sem beið mín eftir áramótin, en það var endajaxlataka þann 2 jan. Það gekk nú allt vel fyrir sig og ég fór heim tveimur tönnum fátækari. Núna er þetta samt byrjað að gróa nokkuð vel og bara litlar holur eftir. Ég er líka byrjuð að hreyfa mig aftur eins og ég get á meðan ég er í fríi. Síðan verður maður bara að vera harður við sjálfan sig úti!

Annars er það að Kristján Ari elskan átti 22 ára afmæli núna 10 janúar. Elskulegar afmæliskveðjur, knúsar og kossar! :* Síðan er það Gauti og Linda mín sem eiga afmæli næst, og ég fæ að óska þeim til hamingju áður en ég skríð af landinu.

Jæja, þá er ég orðin tóm í bili, eða allavega of þreytt til að skrifa meira. Ég ætla að reyna að vera duglegri við að skrifa á næstunni og henda inn myndum btw! Það leiðinlega er að ég nota tölvuna bara ekkert alltof mikið því að hún sjóðhitnar á mér, er yfirfull af myndum og lærdóm og í þokkabót þá brotnaði hin skjáfestingin svo að skjárinn helst ekki uppi á nokkurn hátt! Frábært alveg :)

Bless í bili frá Íslandi og Danmörku!

"3 vika"

2008-09-18T12:41:00.000-07:00

Til hamingju með afmælið mamma! :)

Elska þig dúllan mín

Nú er 2 vikan mín búin í fjarnáminu og allt gengur bara mun betur en ég bjóst við. Er með alveg 7 skilaverkefni í hverri viku og er ca. einn dag í hverju fagi. En þetta er bara gaman og skemmtilegt að vera í svona mörgum og fjölbreyttum fögum.

Síðustu helgi fórum við Örn, Tumi og Arndís hjólandi niður í bæ og þegar við komum aftur heim þá höfðum við hjólað heilan 41 kílómeter! En það var allavega bara gaman og við fengum líka fínasta veður.

Núna er síðan bara að byrja ný og busy helgi svo að ég blogga sennilega aftur eftir hana :)

Danmörk - Sumarið 2008 liðið

2008-09-01T10:07:00.000-07:00

Sumarið já - Það var alveg einstaklega fljótt að líða! En ef maður byrjar á vorinu þá get ég sagt frá því að það var einnig einstaklega ánægjulegt.

Mamma, pabbi og Bjarki litli bróðir minn komu í heimsókn í apríl og við gerðum ýmislegt saman, eins og t.d. að fara í Legoland og keyra um Billund sem er mun minni en ég hélt. Við sýndum þeim síðan Kaupmannahöfn og bæinn okkar Gladsaxe. Það má svo sjá betur á myndasíðunni minni hvað við brölluðum saman :)

Á eftir þeim komu svo Lovísa og Guðmundur kærastinn hennar í maí. Ég og María skelltum okkur með þeim í dýragarðinn í Kaupmannahöfn og tókum alveg heilan helling af myndum. Þau voru síðan líka mjög dugleg að fara og skoða sig um sjálf og fóru t.d. í Kristjaníu.

Á milli þessarra heimsókna skrapp ég heim til Íslands til að vinna og var þar í ca. 3 og hálfa viku. Ég var semsagt að byrja að vinna á Sólheimum og vann á bæði Grænu Könnunni sem er kaffihús staðarins og svo Brekkukoti sem er gistiheimilið þar. Hélt svo áfram að vera þar í allt sumar og það var bara rosalega gaman og ekki skemmdi fyrir að ég var að vinna með algjörum elskum :) Ég var hjá foreldrum mínum fyrir austan í sumar og það var æðislegt að flytja aftur heim þó það væri ekki nema tímabundið. Hefði þó viljað hafa kannski aðeins meiri tíma aflögu með fjölskyldunni. Ég var bara alltaf annaðhvort í vinnunni, að læra undir fjarnámið eða í bænum að hitta Örn. Missti líka af því að komast í útileguna sem mig langaði í!

Það er kannski réttast líka að segja frá því að ég komst áfram í gegnum heimaverkefnið mitt og í inntökupróf fyrir arkitektinn. Inntökuprófið stóð svo yfir í tvo heila daga og maður þurfti að gera heilmikið verkefni og um 190 manns í stofunni að gera það sama. Ég komst samt ekki áfram í gegnum það en reyni svo sannarlega aftur í vor.

En svo að nútímanum.

Við Örn vorum að detta inn í Danmörku á föstudaginn var og það er bara alveg æðislegt að vera komin aftur heim! Fáum gott veður enn sem komið er og erum að hjóla útum allt. Það er líka heldur betur búið að bætast við íslendingar hérna á litla kollegíið okkar! Núna erum við í 6 íbúðum. En við misstum þó því miður Maríu mína til íslands því að hún var að fara í gullsmíðina þar í vetur. María mín þú verður samt að vera dugleg að tala við mig þar sem ég er aaalein :)

Við erum síðan búin að hitta Auði og Eirík um helgina og Guðmundur frændi hans Arnar var hjá þeim í heimsókn áður en hann fór síðan aftur til Ítalíu. Við erum að spá í að skella okkur saman á Kanó eða Kajak á Bagsværd sø núna í vikunni jafnvel ef það verður gott veður.

Örn byrjaði svo bara í skólanum í dag og líkar vel enn sem komið er og fjarnámið mitt frá VMA byrjar svo næstkomandi fimmtudag á fullu. Gott að nýta tímann í bloggfærslur og brauðbakstur þangað til :)

Svo að lokum ætla ég að taka það fram að hann Bjarki dúllan mín verður 10 ára á morgun þann 2. september. Til hamingju með afmælið elskan mín! :*

Legoland

2008-04-17T02:18:00.000-07:00

Við fórum í Legoland með foreldrum og litla bróður Evu.....
Ég er bara að prófa að setja videoið hérna inn. Það er annars von á nýrri bloggfærslu.....

Páskar - bíltúr - bílasýning!

2008-03-31T14:01:00.000-07:00

Jæja þá er komið að nýrri færslu þar sem það er alltof mikið að gerast hjá okkur þessa dagana :)

Í fyrsta lagi þá voru páskar núna um daginn og við Örn ákváðum bara að hafa það notalegt og borða íslenskt Nóa páskaegg sem Ásdís sendi með stelpunum til okkar. Það var alveg frábært því að einu páskaeggin hérna í danmörku eru þvílíkt þunn og með hreinlega engu innaní. Á föstudeginum langa langaði okkur líka að elda eitthvað gott og keyptum skinku í kvöldmatinn, brúnuðum kartöflur og höfðum meðlæti og rosalega kósý.

Á sunnudeginum var okkur síðan boðið í svakalega flott lambalæri til Auðar og Eiríks. Þau buðu okkur síðan að fá lánaðan bílinn þeirra á mánudeginum og við ákváðum bara að þyggja það fyrst að við vorum í fríi og höfðum lítið annað að gera. Við fórum í bíltúr eitthvað norður og sáum til Svíþjóðar í svona kannski 5 mínútur því að það kom bara þessi rosalega þykka snjókoma og við neyddumst bara til að snúa við. En það var samt mjög gaman að geta keyrt um svona einu sinni og skoðað meira af Danmörku. Sáum líka rosa flotta gamla myllu og tókum nokkrar myndir sem koma inná myndasíðuna mína.

Jæja síðan ákváðum við að fara á bílasýningu þann 29 mars í Bella Center. Þar voru alveg hellingur af flottum bílum og farartækjum og maður gat meira að segja borgað frá 350 til 4000 danskra króna til að fá að sitja í misflottum og góðum sportbílum með kappakstursökumanni. Það var alveg góð röð í suma bílana og ökumennirnir keyrðu alveg rosalega á sumum stöðunum. En allavega þá sáum við nokkra ótrúlega flotta bíla og sem kosta óheyrilega mikið og tókum myndir.

Um kvöldið á laugardeginum var okkur síðan boðið í party í sameiginlega herberginu í tilefni af 22 ára afmæli Maríu. Það var bara mjög gaman og fengum við sykursjokk eftir þvílíka limaköku, bleika afmælisköku, jarðaber og bollu. :)

Síðan er það að núna um helgina þá fórum við í grillmat til Auðar og Eiríks og það er nú bara Í fyrsta skipti síðan í sumar sem við fáum grillaðan mat :) Það var alveg frábært! En síðan þegar við ætluðum að fara að hjóla heim þá var sprungið í fyrsta skipti á dekkinu mínu, alveg típískt. Þannig að við þurftum að taka afturdekkið af og fengum bílinn lánaðan hjá þeim til að komast heim. Gerðum svo við dekkið og komum aftur daginn eftir og hjóluðum heim :)

Það er síðan byrjað að hlýna hérna loksins og það á vonandi eftir að batna næstu daga!

Við erum líka byrjuð að gera vöfflur á fullu :D

Mamma, pabbi og Bjarki eru síðan að koma núna næsta föstudag í heimsókn loksins :D Við ætlum að kíkja öll saman í Legoland og gista þar. Ætlum líka að skoða okkur eitthvað um og fara í Tivoli og allt ýmislegt. Blogga meira um það þegar nær dregur.

En þetta er allt í bili, og nógu löng færsla til að lesa :) Kem með fleiri orð og myndir í næstu/þarnæstu viku vonandi. Hej Hej!

Update!

2008-03-20T07:48:00.000-07:00

Jæja góðir hálsar. Vegna mikillar eftirspurnar þá höfum við ákveðið að henda inn bloggi.

Það sem helst er frá að segja er að Svana og Jóhanna komu í heimsókn.

Þær höfðu það mjög gott hérna í fríinu en þær spiluðu mikið XBOX og síðan höfðum við keypt kassa af kóki í gleri sem þær kunnu vel að meta.
Ég reyndar bauð þeim líka Harboe Cola(svipað og Bónus Cola en samt betra) en það var ekki alveg að slá í gegn hjá þeim.

Þær höfðu nóg að gera hér í DK enda fóru þær í Field's, Lyngby Storcenter og á strikið og síðan skruppum við eitt kvöldið niðrí bæ.

Síðan bauð Eva þeim með sér í skólann sinn einn morguninn og fengu þær að kynnast því hvernig er að vera ljósmyndamódel. Þær stóðu sig með prýði og heppnuðust margar myndir vel.
Eva er núna að læra hvernig maður framkallar filmur úr gömlum myndavélum og var það mjög forvitnilegt fyrir mig(örn) að sjá hvernig það er gert.

Svana bauð okkur síðan út að borða eitt kvöldið og fórum við á Hard Rock Cafe, sem er staðsett niðrí bæ, og fengum við mjög góðan mat. Takk fyrir það Svana!

Aðrar fréttir eru að ég var orðinn svo þreyttur á að það væri alltaf að springa á dekkinu hjá mér að ég fjárfesti í kevlar dekki. Sem er búið að standa sig í cirka mánuð núna. Þannig að... Bring it on glerbrot, naglar, býflugur og annað sem getur sprengt dekk.

Auglýsing mánaðarins!

2008-02-15T09:07:00.000-08:00

Hehe ég bara varð að skella þessarri auglýsingu hérna inn áður en ég blogga því að ég er alveg með hreint æði fyrir henni!
Þetta er semsagt dönsk Kims auglýsing sem er nýbyrjað að sýna hérna í dönsku sjónvarpi og það er bara eitthvað ferlega heillandi við taktinn í laginu :) Plús líka bara myndbandið sjálft.
Myndbandið er þó nokkuð lengra en það sem er í sjónvarpinu.

Það er það fyrsta á YouTube listanum hérna fyrir ofan.

Enjoy!

Danmörk

2008-01-27T09:29:00.001-08:00

Jæja....við horfðum á úrslitaleikinn í EM á sunnudaginn og héldum með Danmörku að sjálfsögðu, og viti menn, Danmörk vinnur þetta bara! Í fyrsta skipti eru danir búnir að vinna EM og stóðu sig bara vel. Ætli það hafi ekki verið allt á fullu niðrí bæ þar sem margir danir eru í fríi þessa vikuna :)

Til hamingju Danmörk!

En að öðrum málum...þá fórum við Örn í Harald Nyborg á laugardaginn og skoðuðum hjól fyrir mig. Við fundum síðan eitt þar sem er nákvæmlega eins og hjólið hans Arnar nema bara kvenmannshjól og enduðum svo bara á því að kaupa það :) Þannig að staðan er sú að ég er búin að fá hjól :D og við eigum alveg eins hjól...hehe. Takk fyrir hjólið elsku Örn minn :*

Við erum svo búin að vera að hjóla útum allt í gær og í dag :) Fórum nú einnig í ræktina í gær...loksins!

ÍSLAND

2008-01-20T10:58:00.000-08:00

Loksins loksins nenni ég að skrifa um ferð mína og Arnar til Íslands núna um lok árs 2007 til byrjunar ársins 2008.

Svona svo ég segi stuttlega frá þá vorum við saman á jólunum með fjölskyldu Arnar, afa hans og ömmu. Það var alveg rosalega notalegt og við fengum mjög góðan jólamat og mjög góðar gjafir :) Takk fyrir okkur!

Síðan fóru Ingólfur, Ásdís og Þórir í skíðaferð þann 26 des og við Örn fórum austur á Akra þann 28 desember. Við ætluðum síðan að fara á jólaball þann 30 des en þar sem að það kom eftirminnilega vont veður, sem hafði byrjað daginn áður, þá var því aflýst og við vorum að auki veðurteppt. Við höfðum það því bara gott í sveitasælunni yfir öll áramótin þótt það hefði mátt vera betra veður. Við tókum Fróða með okkur og það var því mikið fjör.

Við fórum svo í bæinn aftur þann 2 janúar og slöppuðum af þangað til Örn flaug aftur til Danmerkur þann 7 jan. Ég keyrði hann á flugvöllinn eldsnemma og þar sem að ég var búin að lengja jólafríið mitt um tvær vikur þá fór ég ekki með honum :)

Ég var nokkurn veginn búin að segja öllum frá því svona í enda áætlaða tíma nema pabba. Síðan ákvað ég að birtast fyrir austan þarna helgina eftir að Örn fór og pabbi var alveg hissa á að ég væri komin aftur þar sem hann var nú búinn að kveðja mig :)

Þessar auka tvær vikur sem ég tók mér hafa verið alveg þess virði og ég hef notið hvers dags. Ég hafði smá auka tíma til að hitta vini og ættingja, vinna mér inn smá pening og ég fékk snjó í kaupbæti! Það er bara búið að vera frábært veður líka og ég er búin að nýta tækifærið óspart þessa helgina og tók alveg helling af myndum sem eru og koma inná netið á næstu dögum. Ég og Svana skelltum okkur á Akra um helgina og það var alveg frábært hvað var búið að snjóa mikið þar. Við ætluðum nú á hestbak líka en þar sem hitinn rokkaði til og frá og fór niður í -18° gráður á laugardeginum þá var of kalt fyrir það. En við höfðum samt gaman af og tókum fjölda skemmtilegra mynda sem eru komnar inná myndasíðuna mína.

Svo er komið að lokum Íslandsferðar minnar næstkomandi þriðjudag og það verður ágætt að koma heim aftur þótt það sé alltaf jafn gott að vera á Íslandi :) Ef ég hef ekki náð að hitta einhvern þá þykir mér það leiðinlegt en bæti vonandi upp fyrir það í sumar.

Að lokum langar mig að óska Kristjáni Ara, Lindu Sif og Gauta til hamingju með afmælin :)

Kærar kveðjur, Eva Kristín :)

Island og jul!

2007-12-20T15:51:00.000-08:00

Þá er loksins komið að því...Ísland í fyrramálið. Maður er búinn að bíða spenntur eftir að hitta alla og slappa af í jóla og áramóta fríinu :) Þetta er búið að vera rosalega hratt að líða og manni finnst bara eins og maður sé að fara til útlanda (sem maður er í rauninni). Það verður svo rosalega skrítið að koma til landsins í fyrsta skipti síðan í ágúst og heyra ekkert nema íslensku útum allt. Vona bara að ég detti ekki útúr dönskunni svona um leið og ég er búin að ná henni!

Við semsagt lendum að staðartíma kl 14:30 og reynum svo að heimsækja alla áður en við förum aftur 7 janúar.

Ég reyni kannski að blogga eina eða tvær færslur á íslandi en gæti samt gleymt mér í gleðinni :) Þá kemur allavega færsla í janúar!

En allavega ...þá segi ég bara.. Gleðileg jól og farsælt komandi ár! :)

Kærlig hilsen frá Evu og Erni

Regn og jul?

2007-12-02T14:23:00.000-08:00

Ætli maður þurfi ekki að láta undan þrýstingi og blogga loksins þar sem maður býr svona "langt" frá. Á þessarri stundu er alveg hreint úrhelli hjá okkur hérna í Danmörkinni og ég sé fyrir engan endi á henni eins og er. Í gær var okkur svo nokkuð brugðið því að við sáum allt í einu blá blikkandi ljós hérna fyrir utan gluggann og þegar við kíktum út sáum við slökkvibíl og heyrðum í fleirum á leiðinni...hvað í ósköpunum...þeir urðu þar með þrír talsins og allir með þvílíkt blikkandi ljós og við héldum því að það væri eitthvað svakalegt að gerast þarna fyrir utan. Sáum að það var eitthvað fólk hjá inngangnum á lestarstöðinni og svo var byrjað að spúla gólfið þarna...þá var það bara einhverjir hálfvitar sem höfðu tekið öll dagblöðin sem eru við innganginn og kveikt í þeim. Svaka viðbúnaður við einhverju svona og núna er enginn búinn að taka þetta upp og þetta liggur ógeðslega subbulegt á sama stað.

Svo er það af honum "Ödda cykel" ...litla greyið er búinn að lenda í því svona fjórum sinnum að þurfa að finna gat á aftara dekkinu sínu og setja bót á það. Síðan gerðist það í gær þegar hann var að hjóla heim í rigningu slíkri og er núna...að það bara sprakk á þessu blessaða afturdekki og Örn þurfti að labba alla götuna okkar heim. Hann hóf svo allsherjarleit ad nýja gatinu og þurfti ekki að leita lengi því að það heyrðist í því langa leið. Hann getur svo vonandi hjólað á því næstu daga án vandræða :)

Síðan er það að Erla og Þórir (amma og afi Arnar) komu í heimsókn til okkar sunnudaginn 25 nóv. Þau komu í kaffi, köku og kanilsnúða A La Eva og Örn. Síðan fórum við með þeim niður í Kaupmannahöfn og fundum okkur Jensen's Bøfhus og fengum alveg rosalega góðan mat. Við fórum líka að skoða hótelið þeirra seinna um kvöldið. Eftir að við kvöddum þau þá fórum við og hittum Eini, Maríu, Önnu Kristínu og Þröst á áströlskum bar. Anna Kristín er systir Maríu og Þröstur kærastinn hennar og þau voru einnig í heimsókn þessa helgina. Þar voru þau semsagt að spila Pool og við ákváðum að joina bara. Tók nokkrar myndir af því sem eru svo inná myndasíðunni minni.

Þar sem það er svona langt síðan ég skrifaði síðast þá er gaman að segja frá því að Ásdís (mamma Arnar) kom í heimsókn helgina 10 nóv og var því okkar fyrsti gestur! Hún lenti nú samt í því að það byrjaði að snjóa hérna daginn eftir og á mánudeginum þegar hún ætlaði síðan að fara með Erni niður í Field's, þá var lestarkerfið í algjöru rugli útaf sambandsleysi í ørestad og allar lestar sem áttu að fara þangað gengu ekki. Þau þurftu því að fara í skrautlega strætóferð en enduðu loks í Field's. Ég hitti þau síðan þar eftir skóla. Daginn eftir fóru þau síðan á Strikið og ég rétt náði að hitta þau áður en Ásdís tók lest útá flugvöll frá Hovedbanegård. Ég var búin að hanga í skólanum mínum til kl 5 til að geta klárað vefsíðuna mína. Fór í prófið daginn eftir og fékk 12 :) (hæsta einkunn á dönskum skala).

Við erum svo farin að hlakka endalaust til jólanna og öllu sem þeim fylgja. Við erum komin með eitt gervi jólatré úr tréi og svo líka eitt sætt stráhreindýr. Keypti líka eins Hyacyntu þar sem ég elska lyktina af henni. Við erum búin að troða öllum blómunum okkar útí glugga til að þau fái svo sem mesta birtu núna í öllu skammdeginu.

Það verður svo rosalega gaman að koma til Íslands um jólin og hitta fjölskyldur og ættingja :) Ef það eru einhverjar spes óskir um jólagjöf, þá er endilega að láta okkur vita bara.

Jólakveðja, Eva!

Sne!

2007-11-11T08:44:00.000-08:00

Já bara að láta alla Íslendinga vita að það er komin snjókoma hér í Danmörkinni ! Mamma hans Arnar sem kom í gær til okkar fékk því þetta skemmtilega veður :)

Eins og er erum við síðan með íslenskt læri í bígerð í ofninum...jess !

Hilsen! Eva

Haust og MTV

2007-11-01T10:31:00.000-07:00

Nú er ég búin að hugsa um að blogga í þónokkurn tíma en ætlaði þó að klára heimaverkefnið mitt fyrst. Ég var semsagt að gera "dokumentation" um heimasíðuna mína og þurfti að skila því til að geta farið í prófið sem er síðan seinna í mánuðinum. Þetta er alveg ágætis áfangi sem ég er í núna fyrir utan eina manneskju í tíma með mér. Það er kona sem hefur búið hérna í 15 ár og talar kannski svipað mikla dönsku og ég...við erum í sömu tölvustofunni alltaf og hún situr einu sæti frá mér því að tölvan á milli er biluð (sem betur fer). Hún semsagt kann ekki mikið á tölvur og þar lendi ég í því að hjálpa henni ALLE TIDERS! Ohh hún gerir ekkert nema spurja spurja spurja og svo þegar mig langar til að vera í friði þá þykist ég vera að gera eitthvað í tölvunni minni og finn að hún er að horfa í áttina til mín og bíður eftir að segja eitthvað. Úff...bíð bara eftir að áfanginn sé búinn.

Allavega. Ég fór síðasta sunnudag í heimsókn til Þórhildar og Tryggva til að sjá litlu rúsínuna þeirra og hitta Dóru, Hregga og Þórdísi. Litla dúllan fékk nafnið Brynhildur Freyja og hún er ekkert smá sæt. Síðan þegar ég var að halda á henni þá var hún alveg rosalega róleg og sofnaði síðan bara.

Það fer ekki framhjá neinum hérna að það sé komið haust því að trén eru að verða allsber og eru ekkert smá flott á litin. Síðan er nú búið að kólna soldið hérna en þó ekki jafn mikið og á Íslandi :) Það er oftast í kringum 10-13 stig hérna myndi ég halda.

(mynd kemur síðar)

Sævar kom síðan í heimsókn síðustu helgi og við skruppum ásamt Eini til Dabba og Möggu í smá hitting. Sævar var búinn að heyra margt um eitthvað ölflæði hér í DK og fékk svo að prófa smá ölflæði. Við tókum samt seinustu lestina heim þar sem við nenntum ekki að eyða annarri helgi í að fara endalaust seint að sofa og vakna um miðjan dag.

Danir:
- Mjög margir keyra um í rafmagnsknúnum hjólastól.
- Maður verður fyrir mjög miklum óbeinum reykingum hérna, í lest, stætóskýlum og úti almennt.
- Það er annar hver unglingur með eitthvað gat einhvers staðar, sérstaklega í andlitinu. Held að það sé tískan í dag?
- Síðan hafa kosningarnar alls ekki farið fram hjá neinum heldur því það er búið að hengja upp auglýsingaskilti á hvern einasta ljósastaur hérna!

Vil síðan óska yndislega pabba mínum til hamingju með afmælið :) Og einnig Sirrý frænku og afa mínum. En þau áttu öll afmæli núna í október.

Núna ætla ég allavega að fara að horfa á MTV EMA Live :D Hilsen!

Heimsókn og fleira...

2007-10-22T11:50:00.001-07:00

Jæja núna er komið að mér(Örn) að blogga. Eva er búin að nuða í mér í nokkurn tíma og loksins gaf ég undan.
Ég og Eva erum búin að vera í haustfríi alla síðustu viku og hefur maður nú ekki beint gert mikið á þeim tíma annað en að setja saman nýju tölvuna og passa.

Auðríkur ( http://audrikur.blogspot.com ) fékk okkur til að passa yngsta fjölskyldumeðlim sinn, Björn Orra, síðastliðið föstudagskvöld og fékk hann auk þess að gista.

Hérna er ég að kenna litla manninum hvernig maður tekur pizzu úr ofni, ekki verk fyrir hvern sem er.

Eva var fljót að svæfa Björn með sögunni um Dodda.

Höddi kom í heimsókn síðastliðið laugardagskvöld auk Dabba, Möggu og ekki má gleyma Degi. Síðan kíktu nágrannar okkar, Einir og María, yfir líka. Þannig að við vorum núna með fulla stofu af bjórþyrstum íslendingum. En viti menn ég var auðvitað búinn að sjá þetta fyrir og var því búinn að skella 2 kippum af bjór út á svalir og 2 inní ískáp. Næsta skref var að skreppa niðrí bæ en það tekur um 25 mínútur í lest. Við byrjuðum á að fara á stað sem heitir Jazz House en Eddi félagi okkar var þar inni. Við hættum öll við þegar kom í ljós að það kostaði um 65 dkk inná staðinn. Þá hófst leit að nýjum stað og lentum við inná mjög svo furðulegum stað sem spilaði aðeins sýru tónlist.

Þarf að segja eitthvað fleira? Sæll

Fólk var orðið frekar þreytt á þessari tónlist og hófst þá leit að betri stað. Dagsi mundi eftir stað í grennd við okkur sem að er með Hawaii þema þ.e. sandgólf og brimbretti útum allt. Höddi splæsti þar á línuna Jarðaberja daquiri sem að braðgaðist mjög vel.

Eftir þetta þá fórum við heim og tókum við fyrstu lest heim um klukkan 6:30. Einir missti náttúrulega af henni því að hann var upptekinn við að fá sér McDonalds í 3 skiptið á 3 tímum.

Það er orðið frekar kalt hér í dk og hefur það sína kosti og galla.

Gallar

Þarft að klæða þig vel
Ekki gaman að hjóla í skólann

Kostir

Hægt að kæla bjór úti á svölum

Engar flugur og kóngulær að ráðast á okkur

Eva er með kort í rækt sem að heitir Sats og gat hún boðið mér að koma í viku frítt. Var þetta fyrsta skipti síðan ég flutti út sem ég hef lyft lóðum en maður er sko ekkert orðinn að einhverri kúlu því að sumir fara 2svar í viku í fótbolta og hjóla 4 sinnum í viku í skólann. Auk þess sem að ég ákvað að það væri frekar sniðugt að hjóla í ræktina og það tók mig um 40mínútur hehe.

Kveðja frá landinu þar sem ölið flæðir

Macromedia Flash

2007-10-08T03:06:00.000-07:00

Jæja bloggid mitt er hreinlega komid í einhverja vitleysu núna tannig ad tad er tími til kominn fyrir nyja færslu sem inniheldur blogg.

Tad er slatti búinn ad gerast sídan sídast og tví ekki skrítid ef ég gleymi ad segja frá einhverju. Ætla ad setja tví nokkra punkta hérna.

*Vid erum búin ad hengja upp nýjar gardínur.
*Ég er búin ad kaupa mér kort í líkamsræktarstodina SATS og byrja á morgun.
*Ég er nú búin med fyrsta áfangann í skólanum og sá næsti byrjadi í dag.
*Tad eru búnar ad vera stodugar heimsóknir hjá Eini og Maríu sídustu helgar.
*Ég er búin ad setja inn 2 ny myndaalbúm.

Ég má nú til med ad byrja frásognina á Oktoberfest! Eins og flestir vita tá var Oktoberfest tessa sidastlidna helgi og skólinn hans Arnar vard ekki útundan. Reyndar var tad Íslendingafélagid í DTU sem stód fyrir svona smá hitting en fyrir utan tad tá var líka eitthvad á vegum skólans. Vid gátum semsagt keypt risa bjórkrús med 1 líter bjór á 60 dkk. Ekkert smá mikid must ad eiga tessar krúsir svo vid turftum audvitad ad kaupa tvær :D Sídan voru pantadar pitsur en viti menn, tær voru ekki nema 2 og hálfan tíma á leidinni! En tær voru samt gódar tegar tær loks komu og ég smakkadi í fyrsta skipti Kebab Pitsu! EINMITT....pitsa med kebab kjoti, kebab sósu og fersku káli. Mjog gód :) Fórum svo heim um 11 leytid (já byrjudum nefnilega kl 5).

Já og núna sídustu helgi voru semsagt brædur Einis í heimsókn og vid fórum af tví tilefni nidur í Kaupmannahofn. Byrjudum í partyi hjá Edda vini strákanna og vorum ad leika okkur í Xbox tar sem María vann stórsigur á okkur hinum. Eddi byr í fínustu íbúd í midri Nørrebro og tad er nú soldid spes ad fara tangad eftir oll lætin sídustu vikur. Eftir tad fórum vid svo labbandi um hverfid til ad finna einhverja skemmtistadi og ætludum ad fara á Jolene sem Dóra Takefusa og onnur Dóra eiga en hann lokadi kl 2 (akkurat tegar vid komum). Stoppudum á nokkrum odrum en héldum svo áfram yfir í átt ad Strikinu. Á einhverri hlidargotu tar fundum vid svo Rex skemmtistadinn sem var ekkert spes tannig ad vid fórum yfir gotuna á Skarf. Hann var fínn og med góda tónlist svo vid stoppudum í nokkra tíma tar. Tókum svo lestina heim tegar hún byrjadi ad ganga aftur kl 6:15 :D

Ég og Ørn eldudum svo pitsu í gær med einhverju tilbúnu deigi sem vid keyptum útí búd. Tegar vid opnudum sídan umbúdirnar tá kom í ljós einhver ílong dós sem átti ad rífa í sundur. Ørn gerdi tad svo en tá hálfgert sprakk dósin fyrir trýsting og deigid prumpadist út. Vid vorum tar farin ad halda ad vid fengjum ekki pitsu en sídan vard tetta ad fínasta pítsabotni og pitsan smakkadist bara nokkud vel :)

Allavega...tá sit ég alltaf í tíma ad blogga tví ég hef í rauninni ekkert annad ad gera tessa stundina. Er komin í nýja stofu tar sem er ekkert loftflædi og 30 tolvur tannig ad tad er rétt hægt ad ímynda sér andrúmsloftid. Tessi "modul" sem ég er ad byrja í núna verdur næstu 5 vikurnar og er adallega verid ad kenna okkur á Macromedia Flash :) Whoohooooo.

Hilsen

Svanlaug Ingolfsdottir - onnur spes færsla

2007-10-04T00:16:00.000-07:00

Já tad hlaut ad vera einhverskonar skyring á tessari gleymsku minni.. Ég gleymdi semsagt Svonu líka í ollu tessu fútti og flutningum og tad bara hlytur ad vera útaf tví ad ég var of upptekin vid ad gefa teim afmælisgjof og óska teim persónulega til hamingju á teim litla tíma sem ég átti eftir á landinu.
Allavega...Fyrirgefdu Svana líka ..tetta var nú ekki meiningin.

Ég vil tví óska Svonu innilega til hamingju med ad vera ordin 18 ára gomul tann 17 ágúst :)

Tetta fann ég svo á netinu:

Hver er ég?
Ég heiti Svanlaug Ingólfsdóttir, Svana. Ég er tíu ára og er stúlka. Ég á heima í Kópavogi og á Íslandi. Skólinn minn heitir Hjallaskóli og ég er í 5. bekk. Uppáhaldsmaturinn minn er pitsa.

Hvað vil ég vera þegar ég verð stór?
Ég vil verða vísindamaður eða uppfinningamaður þegar ég er orðin stór. Ég vil læra verkfræði eða læra að verða leikkona.

Hvernig vil ég að heimurinn verði þegar ég verð stór?
Ég vil að heimurinn verði fullur af tívolíum og fótboltavöllum þegar ég verð orðin stór.

Hvað get ég gert núna til að þetta geti orðið?
Ég get stofnað tívolí og byggt fótboltavelli.

Tarna hefuru tad...Af hverju ekki bara ad koma med beina góda skodun sídan framvegis? Ef tú lest bloggid tá má alveg kommenta líka tegar madur getur sagt eitthvad skemmtilegt :)

Rannveig Hafsteinsdóttir - Spes færsla

2007-10-03T06:02:00.000-07:00

Þetta er spes blogg fyrir hana Rönnu mína þar sem ég gleymdi henni algjörlega!

Fyrirgefðu Ranna mín! Ég veit ekkert hvernig ég fór að því að gleyma að gera handa þér kveðjufærslu.

Hún Rannveig átti semsagt afmæli núna 25 ágúst og varð tvítug stelpan :)

Til hamingju með það elskan mín!

Þessi linkur er tilnefndur henni

http://www.youtube.com/watch?v=IK2HLC3_UxI&mode=related&search

Afmælisbarn

2007-10-01T14:59:00.000-07:00

Til hamingju með 20 ára afmælið Sigrún Ásta mín !

Gangi þér vel í lífinu og öllu því sem þú aðhefst :)

Kveðja Eva Kristín

Afmælisbarn dagsins

2007-09-27T12:02:00.000-07:00

Til hamingju með afmælið Þórir Már :)

Hafðu það gott á afmælisdaginn og borðaðu nóg af kökum!

Kveðja frá Evu og Erni

Artí fartí fotograf

2007-09-25T01:35:00.000-07:00

Ég er semsagt ad blogga í skólanum (ástædan fyrir fáum íslenskum stofum) tví ad ég er í tessari ædislegu Mac tolvu og med risa Mac skjá...en í windows styrikerfi!!! WHAT! ...vil helst bara vera í Mac umhverfi í Mac tolvu...tad skemmdi alveg fílinginn.

En jæja, ég hef semsagt eiginlega ekkert annad ad gera tví danir eru svo ofbodslega rólegir á tví alltaf. Vid stelpurnar sem erum í mínum hóp erum semsagt búnar ad taka tæplega 200 ljósmyndir í "studie" og tad kom svona ágætlega út midad vid hvad vid erum ekkert reyndar á tessu svidi. Tær myndir eru fyrir eitthvad verkefni sem vid erum ad gera í 5 vikur. Set nokkrar hérna med í blogginu. En tad er semsagt bara ein og hálf vika eftir af fyrsta kúrs og sídan byrjar einhver annar.

Gaman ad segja frá tví í leidinni ad tegar ég og Ørn fórum út í morgun tá var gód rigning og Ørn hjóladi á medan ég fór í nyju A lestina, sem fer btw á 10 min fresti núna í stadinn fyrir H lestina sem fór á 20 min fresti. Tessu var breytt núna sídastlidin sunnudag og allt mjog fínt fyrir utan tad ad í gær stoppadi lestin ekki af einhverjum ástædum á minni stoppustod og ekki heldur næstu fjórum svo ég turfti ad hanga í lestinni á medan hún fúttadi eitthvert lengst útí skóg! En ég nádi svo lestinni til baka strax og komst heim.

Tá er mamma hans Arnar ad koma í heimsókn núna í nóvember og tví fyrsti gesturinn úr okkar fjolskyldum sem kemur í heimsókn til okkar :) Svo erum vid búin ad panta okkur flug til Íslands og áætladur komutími er tví 21 des um 3 leytid. Sídan fljúgum vid aftur af klakanum 7 jan 2008. Verdum sennilega heima hjá Erni um jólin tví mamma hans, pabbi og Þórir eru ad fara í skídaferd eftir jól en Svanlaug ætlar að vera heima og joina okkur um áramótin, verdum svo heima á Økrum restina :)

Svo er ad segja frá tví svona í restina ad Tórhildur og Tryggvi eru búin ad eignast litla dúllu og ég óska teim innilega til hamingju med tad! Tau eiga eftir ad standa sig mjog vel í foreldrahlutverkinu :)

Hej Hej

Næstum komið...

2007-09-15T14:17:00.000-07:00

Til hamingju með afmælið mamma!

Þú ert alveg hreint yndisleg mamma og frábær fyrirmynd...Elska þig :*

Til hamingju með afmælið Bjarki minn!

Besti litli bróðir ever :*

Og Til hamingju með 21 árs afmælið Alda :)

Annars var það bara það að við erum búin að setja upp nokkrar nýjar myndir á síðunni hans Arnar og ég set inná mína innan skamms. Semsagt einhverjar myndir af íbúðinni eins og hún er núna og nýja handriðinu okkar sem Örn var svo myndarlegur við að smíða einn daginn. Fórum og keyptum timbur í það og þurftum að saga spýturnar sjálf niður með handsög og tommustokk! Það hefði nú verið ljúft að geta farið bara í BYKO. Allavega þá á það vonandi eftir að varna stórslysi. Síðan eru líka myndir af t.d enn einni hillunni sem við settum saman í dag.

Dóra og Þórhildur kíktu síðan í heimsókn í dag sem var mjög gaman. Dóra er hér í DK til mánudags. Þórhildur varð síðan verkfræðingur á fimmtudaginn :) Til hamingju með það!

Þangað til næst...

Jeg skal på stranden og så besøger jeg min unkle :s

2007-09-08T11:43:00.000-07:00

Já Ranna mín...nákvæmlega það sem ég var að spá í að gera :D

Ég er semsagt búin með mína fyrstu viku í danska skólanum mínum og það er soldið mikil danska töluð þar! Er búin að kynnast nokkrum núna.
Skildi í rauninni varla baun fyrstu 2 dagana þar en síðan fór þetta að koma hægt og rólega og ég var farin að skilja flestallt sem kennarinn og krakkarnir sögðu í enda vikunnar. Lenti reyndar í því á fimmt að kennarinn talaði alveg ótrúlega hratt! En það reddaðist fínt.
Við erum bara í einhverskonar Digital production kúrs í 5 vikur núna og síðan fer ég í einhvern annan kúrs.
Það er soldið erfitt að tjá sig á dönsku enn en mér fer fram með hverjum deginum. Síðan er einn strákur með mér í bekk sem er að æfa mig í dönsku, sem kemur sér vel :)
Ég keypti mér mánaðarlestarkort sem gildir þá í allar lestar og strætóa sem ganga á þeim 6 Zones sem ég fer í á leiðinni í skólann. Þannig að ég get alltaf skroppið til Kaupmannahafnar og í Field's þegar mér hentar án þess að borga neitt. Kortið kostaði samt alveg 830 danskar :) Ég keypti mér svo bók á dönsku til að lesa á þessum klukkutíma sem það tekur mig að fara í skólann.

Örn er víst kominn með einhvern rosalegan lestur í sínum kúrsum og er lesandi hálfan daginn núna. Hann keypti sér svo hjól í dag og þá fer vonandi minni tími fyrir hann að ferðast í skólann. Það var samt soldið skrautlegt hvernig þessi hjólaleit fór. Vorum búin að finna hjól sem kostaði 4000 og ætluðum að sækja það daginn eftir þegar það væri búið að setja standara á það en síðan hætti Örn við og ákvað að leita aðeins betur og að ódýrara hjóli. Fundum síðan eitt í dag sem var bara fínt og Örn ákvað bara að kaupa það. Fengum síðan hjólið í alveg rosastórum kassa og það fyrsta sem ég hugsaði var að hjólið væri nú sennilega bara næstum í heilu lagi í kassanum en stýrið væri kannski ekki á. Við ákváðum því að panta leigubíl þar sem það er soldið mikið vesen að labba með þetta í strætó. Leigubíllinn kemur svo og um leið og hann sér mig fyrir utan með kassann þá byrjar hann bara að hrista hausinn. Örn fer síðan að tala við hann og hann segir okkur að hringja á stærri bíl bara. Ég fer þá inn og fæ símanúmer hjá sendibílaþjónustu og við pöntum bíl sem á að koma eftir klukkutíma. SHIT. Hver nennir að bíða fyrir utan búð í klukkutíma að gera ekkert. Þannig að ég ákvað bara að opna kassann og gá hvort það væri ekki bara hægt að setja hjólið saman þarna á staðnum og viti menn. Hjólið er bara í heilu lagi ofaní kassanum og við þurfum bara rétt að setja pedalana á og rétta stýrið af. Þvílíkur munur og Örn gat bara hjólað í ró sinni heim og það tók hann ekki nema 7 min. Það er mjög þægilegt að hjóla hér um og ferðast í lestum og strætó.

Ég tók nokkrar myndir af Stengården station og húsinu okkar í morgun og setti þær inná myndasíðuna. Verð að fara að taka fleiri myndir svona dagsdaglega.

Við erum búin að vera soldið myndarleg hérna og elda okkur heilan kjúkling og prófa okkur áfram í hinu og þessu. Ég bakaði meira að segja muffins í dag og María bakaði skinkuhorn :)

Núna er svo bara að slappa af í sófanum og kannski sötra smá hvítvín :)

Hilsen !

Progress...

2007-08-30T15:01:00.000-07:00

Núna erum við loksins búin að koma okkur ágætlega fyrir...bara smá fíniseringar hér og þar plús uppsettning á einum skáp í viðbót. Okkur líður bara mjög vel hérna enn sem komið er og erum að aðlagast dönskunni vel.

Ég þurfti að gera smá stopp í skólanum mínum á meðan við höfðum bílinn og fara með einkunnablöð til manns þar. Þegar ég hitti hann talaði ég dönsku til að byrja með og þegar ég var alveg að missa af því sem hann var að segja og þegar ég ætlaði að fara að tjá mig með flóknum orðum á dönsku þá bað ég hann um að tala ensku.... fékk til bara "NEJ, det vil jeg ikke" ...og ég varð bara að redda mér áfram á dönsku...takk! En það gekk svo bara vel og ég skildi nú ekki alveg allt en samt nóg :) Byrja svo í skólanum núna næsta mánudag og tek bara lestina í rúman klukkutíma þangað.

Örn er í einhverri kynningarviku í DTU og þar er alveg fullt af útlendingum. Hann var settur í hóp þannig að næstum enginn er frá sama landi oftar en einu sinni í hverjum hóp. Hann fór í einhverja furðulega leikskólaleiki á þriðjudag og þurfti að labba um, banka í hausinn á sér og segja "æg, æg, æg" og síðan "kylling, kylling" og fleira :D Síðan fór hann í fótbolta í dag og á morgun er svo endað á mat og partyi. Sjáum hvernig það endar.

Það eru svo komnar fleiri myndir af íbúðinni og í þetta skipti þá er búið að taka aðeins til. Það er síðan varla stakur hlutur hérna inni sem er ekki nýr.

Tókum líka lest og strætó í fyrsta skipti hér í gær þar sem Örn þurfti að skila bílnum niður í Kaupmannahöfn og ég fór á badmintonæfingu í Herlev. Það gekk nú bara mjög vel, kostaði ekki mikið og tók ekki langan tíma.

Við erum svo komin með heimasíma, internetið virkar rosalega vel og Örn keypti 37" Philips sjónvarp...og það er geðveikt flott !

Hilsen

Flutningurinn á Gammelmosevej

2007-08-24T10:48:00.000-07:00

Já þá erum við loksins komin....heim! Lentum í Danmörku kl 6 að dönskum tíma og ég svaf eins og steinn alla leiðina og Örn líka. Fengum síðan nýlegan WV Passat á flugvellinum í staðinn fyrir Peugeot station bíl og hann er bara búinn að reynast okkur mjög vel.

Íbúðin var alveg eins og við bjuggumst við og jafnvel bara betri. Okkur líkar bara mjög vel við hana og frábært að hún sé glæný. Erum svo búin að vera að hendast hingað og þangað til að leita að húsgögnum, fara í ikea, jysk, elgiganten, bive mobler og enduðum svo í risastórri Daells Bolighus verslun þar sem við keyptum svo öll okkar helstu húsgögn í dag og í gær. Ég er síðan núna að bíða eftir að húsgagna sendingin renni í hlað með allt heila klabbið :) Ég er líka búin að skúra alla íbúðina einu sinni.

Það eru svo komnar nokkrar skítsæmilegar myndir af komunni okkar hingað en það koma síðan fleiri og betri seinna meir þegar ég hef tíma í það.

Hilsen fra DK

Útskriftarmyndataka

2007-08-15T16:07:00.000-07:00

Já ég og Linda skelltum okkur í myndatöku og svona fínt fyrir Lindu til að hún gæti fengið góðar stúdentamyndir af sér líka og svo auðvitað svo við gætum fengið myndir af okkur saman. Alltaf jafngaman í svona myndatökum þar sem maður horfir á ljósmyndarana hamast við að skemmta manni og fá mann til að hlæja eðlilega. En jæja...okkur tókst nú samt að punga út þónokkrum ágætis myndum :) Svo fékk ég auðvitað Örn líka til að koma því að mig langaði til að fá myndir af okkur saman og svo honum með sína stúdentahúfu. Þannig að núna eiga þau loksins svona "alvöru" stúdenta myndir af sér. Ég ætla að setja hérna eina mynd inná sem mér tókst að nappa af netinu og sýna afraksturinn.

Svona er nú það. Síðan eru bara rúmlega 6 dagar í að við flytjum til Danmerkur og ég er orðin nokkuð spennt núna :D En samt ekki byrjuð að pakka enn ! Þarf sjúklega mikið að fara að byrja á því. Og hitta sem flesta áður en ég fer. Heilsið uppá mig takk !

Og síðan að lokum vil ég óska henni Lilju minni innilega hjartanlega til hamingju með 20 ára afmælisdaginn sinn sen byrjar einmitt núna 16 ágúst :) Sjáumst Lilja mín...

Hilsen

Til sölu

2007-08-05T06:44:00.000-07:00

Jæja við erum að reyna að selja smá stuff sem við getum ekki tekið með okkur út. Það besta er að þetta eru allt nýlegir hlutir og lítið notaðir.

LG örbylgjuofn á 4000 kr. http://www.elko.is/elko/upload/images/products/400X400_MS1925W.jpg
Tölvuhátalarar "Kyros 321" hvítir á 4500 kr.

Látið mig vita ef einhver hefur áhuga eða vill fá frekari upplýsingar um vörurnar :)
Og ég er búin að laga stillingarnar aðeins þannig að núna virkar að gera comment hjá mér....held ég.

3 vikur í Danmörku!

2007-07-31T13:32:00.000-07:00

Já það er allt að gerast núna og allir að fara í sumarfrí. Verslunarmannahelgin framundan og 3 vikur í að maður flytji í Danaveldið! Maður hefur það nú einhvern veginn á tilfinningunni að sumarið sé samt að verða búið svona veðurlega séð. Búið að vera algjörlega besta sumar sem ég hef upplifað í langan tíma.

Ég ætla núna að reyna að byrja á kveðjuheimsóknum sem fyrst svo ég nái að kveðja sem flesta því að who knows...maður veit ekki hvenar maður kemur aftur til íslands á næstunni. Býst samt við að jólin séu nokkuð mikil íslandsjól.

Afmæli:

Lilja Dröfn 20 ára - 16 ágúst

Svanlaug 18 ára - 17 ágúst

Ranna 20 ára - 25 ágúst

Illusion

Hvort er hún að hreyfast til hægri eða til vinstri?

Horfðu á hana í smá stund og gáðu hvort hún breyti um stefnu.

Segðu þitt álit!

Hilsen Eva!

Gammelmosevej

2007-07-10T16:52:00.000-07:00

Já komnar myndir af íbúðinni! Næstum byrjuð að pakka niður af eftirhlökkun.

Ég fékk símtal frá dana þarna á mánudeginum og spjallaði við hann í rúmar 20 mínútúr og allt fór vel. Ég byrja svo í skólanum í september og við verðum vonandi búin að koma okkur ágætlega fyrir á þeim tíma. Leigjum okkur allavega bíl þarna þegar við lendum og byrjum að versla ef það gengur eftir.

Síðan þarf ég að finna út hvernig ég fer á milli staða þarna í skólann því að hann er smá spotta frá íbúðinni. En það reddast... :)

Sumarið 2007

2007-06-29T13:58:00.000-07:00

Geggjað sumar eins og það leggur sig núna. Ég er að fíla það í tætlur allavega í vinnunni og er að ná mér í smá lit. Vinnan er líka frábær og fínasti hópur sem við samanstöndum af. Líka mikið af yngra fólki byrjað.

Usa var réttast sagt æðislegt og fjölbreytt! Síðan fór nú familían mín til Bandaríkjanna bara daginn eftir að ég kom heim :) Sumarið verður samt frekar stutt því að það fer bara að styttast í það að ég flytji !

JÁ....ég og Örn erum semsagt komin með íbúð og byrjuð að leigja frá og með 1 júlí en förum samt ekki fyrr en 22 Ágúst út. Búin að panta flug og allt og það bara aðra leið :)
Fengum íbúð í glænýju húsi í bænum Gladsaxe sem er soldið fyrir ofan Kaupmannahöfn. Hún er 50 fm og erum með eldhús og baðherbergi útaf fyrir okkur. Síðan er ég búin að skrá mig í skóla og fæ símtal á mánudaginn.

HAWAII !!

2007-05-31T12:05:00.000-07:00

Það er svoooo nice að vera á Hawaii. Rosalega fínn hiti úti og sjórinn og ströndin eru geðveik, hótelið er fínt og við erum 10 tímum á eftir Íslandi ! Já rétt í þessu erum við að fara að borða morgunmat og fara svo á ströndina :) Blómasveigar og strápils með kókoshnetubrjóstum útum allt. Fljúgum svo heim á mánudagskvöld og förum í 3 flug.

Las Vegas var líka fínt en við vorum bara fegin að fara þaðan og til Hawaii....það var eitthvað svo allt of mikið af spilavítum og drasli að maður hafði bara eiginlega ekkert að gera þar, nema ég fór í fyrsta skipti í alvöru rússíbana og á mynd af því til staðfestingar um hvernig sú ferð var :S Það var líka bara svo sjúklega heitt þarna í LV og þurrt loft að inná hótelinu var bara við frostmark útaf loftkælingu.

Skrifa aftur við tækifæri hérna, og vil helst sjá komment þegar þið eruð búin að lesa takk !

ALOHA :D

Myndir frá ferðinni

2007-05-23T14:51:00.000-07:00

Hérna eru nokkrar myndir komnar og ég set svo inn fleiri með tímanum.

http://picasaweb.google.com/evakristinbraga

Enjoy ;)

Borg brekkanna!

2007-05-22T00:15:00.000-07:00

Þá erum við búin að fara í nokkrar ferðir hingað og þangað og eigum nokkrar eftir. Fórum í Alcatraz fangelsið og það er alveg ferlega magnað, pínkulítil eyja rétt fyrir utan (svona eins og Viðey) og samt alveg ógerlegt að sleppa þaðan. En það var rosalega gaman að skoða það allt saman. Fórum svo seinni partinn bara eitthvað að slæpast hér og þar og það er alltaf jafn mikið "challenge" að finna eitthvað að borða. Þetta er gjörsamlega heimur óhollustunnar og erfitt að finna stað þar sem maður virkilega heldur meðvitund af sykur og fituneyslu.

Í gær fórum við svo í rosalega vínekruferð sem stóð yfir allan daginn og það var alveg mögnuð sjón að sjá alla þessa endalausu akra af vínberjatjám. Til að komast á vínekrurnar þurftum við að fara yfir Golden Gate brúna og tókum auðvitað myndavélapásu.

Í dag áttum við síðan frídag frá öllum heimsóknum og notuðum daginn vel. Fórum niður í bæinn um 9 leytið og röltum þar um að leita að myndavélabúðum. Fundum þar nokkrar og sumar með okurverði. Fundum svo eina að lokum sem var nokkuð sanngjörn. Gerðum okkur þar með smá hlé og stungum okkur í verslunarmiðstöðina sem er þarna í miðbænum og er á 5 hæðum allavega. Ég persónulega missti mig algjörlega og keypti helling held ég, og Örn er nú búinn að finna sér soldið líka. Vorum semsagt í bænum í mest allan dag og keyptum ýmislegt. Fórum svo aftur í myndavélabúðina og ég skellti mér á eina rosalega fjárfestingu! Keypti mér semsagt Canon 30D og 2 linsur, tösku, 4 filtera, kort og batterí. JAHÁ! Eins gott að hún skemmist ekki á næstunni allavega því að hún er GEÐVEIK!

Og takið nú eftir, að þegar við vorum loksins komin uppá hótel aftur og ákváðum að fara að borða eitthvað saman á Fishermans Wharf, þá þurftum við auðvitað að taka leigubíl. Fórum í tveimur leigubílum og ég, Örn, Hjalti og Siggi vorum í seinni bílnum. Gaurinn keyrir auðvitað eins og brjálæðingur niður og upp allar brekkurnar hérna (verra er á íslandi) og þegar við vorum í síðustu götunni og sáum restina af liðinu okkar, þá þarf endilega að koma gatnamót og við lítum til vinstri ..... þar kemur bíll á fleygiferð, bremsar, en sleppir svo bremsunni og lætur vaða. Við semsagt lendum í bílslysi þarna á síðasta spölnum. Bíllinn kemur bara askvaðandi inn í hliðina á okkur og glerbrotunum svoleiðis rignir yfir okkur ! En jæja...þetta er bara daglegt brauð þarna og löggan sem svona hentugt átti leið hjá kom og reddaði málunum. Við þurftum samt að borga okkar ferð og leigubíllinn var í rétti..... held ég. Þetta var mjög spes dagur.

Þar sem að klukkan er síðan 00:37 á staðartíma og 07:37 á íslenskum tíma þá ætla ég að koma mér í rúmið núna. Meiri fréttir að degi liðnum.

Eva Kristín

In San Fransisco!

2007-05-18T01:03:00.000-07:00

Jæja vorum að koma á Best Western sem er hótelið okkar hérna í San Fransisco og það er svona ágætlega kósí en samt eitthvað smá kuldalegt við það. Þetta er rosaleg borg og götur útum allt og í allar trissur og upp og niður.
Klukkan hérna er semsagt 1 eftir miðnætti akkurat núna...eða semsagt 7 tímum á eftir íslandi. Við erum búin að vera að fljúga síðan kl hálffimm að íslenskum tíma og erum orðin mjöööög þreytt á flugi í bili. Fyrst þarna rúmlega 6 tíma flug fyrst til Minneappolis og stoppuðum þar í svona 3 tíma sem okkur veitti ekki af þar sem við þurftum að tékka töskurnar okkar áfram í flug því það var ekki gert á íslandi og þurftum því að draga þær með okkur útum alla flugstöð sem var ekkert lítil, upp rúllustigana og alla leið út í alla enda og til baka. Síðan förum við og fáum okkur ógeðslegan Burger King sem allir fengu í magann af held ég, klórkók og fransbrauðs-majonesborgari. Síðan fórum við að tékka okkur í seinni vélina, til SF og þar lenti Örn í vandræðum þar sem hann fékk vitlausan farmiða og lendir því í veseni í næsta flugi. Vorum svo í 4 tíma í því flugi, en það var frekar kósí því að öll ljós voru slökkt og maður gat bara slappað af.

Núna á hótelinu eru allir í veseni því að öll herbergin eru eins og það eru nokkrir sem eru 3 saman í herbergi, þannig að það vantar rúm fyrir þriðja aðilann.

Við vöknum svo hress og kát á íslensk/amerískum tíma á morgun, smá tíma að venjast klukkunni hérna, og förum í heimsókn kl 9 á tímanum hér. En við erum semsagt að fara að sofa núna og næstum búin að vaka í sólarhring!

Til hamingju með afmælið Örn minn :*

http://utskrift2007.blogspot.com/ Linkurinn á útskriftarferðina og ferðaáætlun.

Þvert yfir US and A

2007-05-11T10:55:00.000-07:00

Vá ! Bara 6 dagar í Bandaríkin og ég að verða geðveikt spennt hérna! Bráðum að pakka niður bara. Þetta verður rosalega spennandi ferð og mikið gert, og ég er líka búin að finna mér búðir sem mig langar í ef ég fæ nægan frítíma. Förum semsagt í 8 flug á 3 vikum ! Læt ferðaplan hérna inn áður en ég fer...og held svo smá dagbók á meðan ég er úti.

Næst síðasta prófið mitt í dag og það gekk fínt, allavega ekki búið að láta mig vita að ég hafi fallið í einhverju enn, gott. Fékk risastóra 8 í dönsku 203 í versló ! Enn að bíða spennt yfir hinum fjarnámseinkunnunum, en síðan er Sögupróf á mán. Síðan FRÍ.

Fer í heimsókn heim núna á morgun og ætla að liggja í leti í heitum pott og skreppa kannski í 2-3 tíma reiðtúr ! Horfi á Eurovision kannski með einu auganu svona, og ísland á voða bágt með að komast áfram í þessarri keppni.

Mæli með Supernatural, nýjir þættir sem njóta vinsælda í Bandaríkjunum og ég byrjaði að horfa á í gær.

Annars, Góða helgi!

Ný byrjun

2007-05-08T11:43:00.000-07:00

Þá er komið að því að stofna nýja síðu og vera fljótari að segja frá atburðum.

Næstu daga mun ég fræða ykkur um ferðina mína til Bandaríkjanna og svo lífi mínu í Danmörku. Þannig að þetta er ný síða með nýjum atburðum :)

Núna er ég í lokaprófum og eins og stendur þá eru 2 próf eftir af 9 áföngum. Það er vonandi að ég nái öllum prófunum og með ásættanlegum einkunnum því að ég er að stefna á að fara til Danmerkur í haust í skóla. Ég byrja svo að skrifa um Bandaríkin þann 17 maí því að þá verður lagt af stað í 3 vikna geggjaða ferð :)

Hilsen, Eva